28. júlí – ferðadagur.

Mamma og pabbi komu í bæinn og keyrðu okkur út á völl. Fengum okkur plokkara á Kaffi Loka áður en lagt var í hann. Flugum með Icelandair seinnipartinn til Toronto og þaðan (e. rúml. 4 tíma stopp) með Canadaair til Vancouver. Alls um 10 tíma flug + bið. Fórum í Priority Lounge í Toronto. Áhugavert! Frekar vondur matur í hlaðborði en nóg að drekka. Spiluðum og horfðum á ÓL. Hrafnkell drakk viskí til að sofa í vélinni – og það virkaði vel. Ég ýtti nett við honum í hvert skipti sem hann hraut yfir ákveðin hávaðamörk. Lentum í Vancouver rúmlega eitt eftir miðnætti og tókum taxa á hótelið. Bílstjórinn var vel að sér um Ísland og hrósaði Jóhönnu Sigurðar sérstaklega. Taldi hana vera mikla kraftaverkakonu. Vorum á íbúðarhóteli Rosedal on Robson sem er vel staðsett í miðbænum. Þrjár nætur kostuðu um 45 þús. Byrjuðum á að hlaupa út í 7/11 þegar við komum til að kaupa okkur að borða og til að eiga morgunmat.

Á Leifsstöð að spila.

Hrafnkell á "heldrimannastofunni" í Toronto.

Hólmfríður, séð í gegnum glas.